رؤساءنا و مسؤولينا فاناتيك احنا الترجي الرياضي التونسي جمعية كي جمعيات العالم الكل عندنا عيوبنا عنا اغلاطنا و فشلنا في حاجات و اخطأنا ادارة و جمهور و ملاعبية عديد المرات الفرق بيننا و بينكم احنا نتعلمو من غلاطنا احنا وقتلي تضربت ركبة يوسف ثنينا الركبة و خدمنا كيما كل مرة تصيرلنا خيبة ولا يتضربلنا ملاعبي ولا عثرة ولا يضيع لقب تكونلنا حافز بش نعضو على قلوبنا و نخدمو الترجي بقلب و رب هاذاكة علاش ربي مباركلنا
احنا الترجي الرياضي التونسي الشادلي زويتن عطانا عمرو 34 سنة رئيس حسان بلخوجة مات في حادث و هو رئيس الترجي ، عزيز الله يرحمو بوه رئيس سابق للترجي المنصف زهير … عبد الحميد عاشور ربي يطول عمرو في الخير باع ملكو بش خرج الترجي من أزمة يعلم بيها كان ربي ! سليم شيبوب ربي يفرّج عليه اللي طلّع الترجي ل palier اقليمي اخر كان من العشرة متع لصباح للسبعة في البارك يخدم في الترجي بعينيه! قال عملنا على ان نجعل من هزيمة الترجي حدثا وطنيا! وصولا لحمدي المدب قاهرهم انسان رغم تقدمو في السن يخدم في جمعيتو بقلب و رب !
تسالو تقلو مقتنع باللي عملتو يقلك والله متأسف اللي راتينا برشة
اللي ترأسونا الكل مغرمة بالالوان جمهور منا فينا يشبهولنا ما فيهم حتى دخيل ! و منيش نحكي على هيكل ! لا فيهم ليبي فلوسو مشبوهة و لا امريكاني دزو في معزة ! لا عنا اطماع سياسية لا خدمو بينا لا استعملونا لسيدي زكري من الترجي علمونا حب البلاد الانتماء للترجي هو سر النجاح
التصويرة فيها 40 سنة من عمر الترجي من 85 ونتي جاي لليوم … في المقابل نتحداهم يجيبولي تصويرة فيها ثلاثة مسؤولين مع بعضهم
هوما يسميوه مرّة نسيب الرئيس و مرة مستشهر… نفس شمّاعة الفشل نفس نظرية المؤامرة … الاسامي هي هي و القلوب كحلة ظلام !
احنا بطولة وراء بطولة ونتي بلاغ وراء خوه و كل اناء بما فيه يرشح 
حقا مادامني متفكر ياسر عجبتني فازة تحريض الجمعيات بش يدعموكم في الشكاية خطفتوها من افامنا بش نقولولكم تلمو الكل يديكم في يدين بعضكم و حاولو بش تخراولنا فيه
