هو المؤكد انو ما عندنا شي ضد مستقبل ڨابس و نتفهمو رغبتو في تأجيل المباراة.
لكن هل يعقل أن يتم اتخاذ قرار كيف هذا قبل 48 ساعة من المباراة ؟
تأجيل المباريات في حالات هكا يرجع بالنظر للفريقين و للجامعة فعلاش يتم طرح الاشكال في اجتماع وزاري ؟ و هك في بيان في الصفحة الرسمية ؟
الوزارة ما عندها حتى دخل في قرار كيف هذا الا ذا كان باش نشوفو نفس الضغوطات الي ريناها في الموسم الي فات في قضية البلايلي و غيرها من نفس الجهات.
مرة أخرى ما عندنا شي ضد مستقبل قابس الي إن شالله يلقى حل لمشاكله المادية ( والي ما نتصوروهمش باش يتحلو في نهارين بعد تأجيل المباراة)
لكن من حيث المبدأ من نراوش علاش الترجي يولي في روزنامة مضغوطة وهو ما عندو حتى ذنب الي صاير.
و في الأخير و كيف ما أشرنا سابقا، القرارات هذي تبقى بيد الجامعة و الفريقين و لا دخل للهيكل الوزاري في ذلك.
و لكم سديد النظر.
