Esperance-de-Tunis.net
Toute l’information sur le doyen des clubs tunisiens

كالعادة، التضحية دائما بالترجي

بعد الدبشي، القادري و عرفو الجريء قررو التضحية بسعد بقير، افضل لاعب في البطولة السعودية بنجومها لمدة 8 جولات متتالية؛ المهم نهزو 4 حراس باش ندبرو تفتوفة للافريقي و النجم، و نهزو 9 مدافعين منهم لاعب في آخر مباراة تسبب في إقصاء فريقو من دور مجموعات الكاف، و لاعب بنّاك في بطولة الكويت كان الاتجاه واضح الاستغناء عليه، و نطردو سعد بقير و نظلمو لاعب متميز قادر يعمل الفارق بأقل لمسة، و شديد الانضباط داخل و خارج الميدان، ماعندوش مرتزقة يعيطو عليه في الاعلام، و صفحات الفايسبوك متاع الفرق المنافسة ما تلعبش فيها فيلم موضوعية و تدافع عالحق متاع بقير، كيما عملت بعض صفحات الترجي

هكا، يكون الجريء كالعادة، ضحى بأي حاجة تنتمي للترجي، و ادارتنا ساكتة، و صحفيين ترجيين ساكتين

هالمسخرة و الفضيحة الجديدة، دليل انو القادري و عرفو الجريء مواصلين في شرهم ضد ترجي الأمة

Ecrit par

Rechercher sur le site