هنا تونس! حيث يعتبر الفاشل مظلوم و يرتدي ثوب الضحيّة و يسمّى الناجح بالظالم المستبدّ ….
قالو يا بابا وقتاش نوليو شرفة قالو حتى يتفسخ الفيديو هذا 
لك أن تتخيّل حبيبي في عزّ طغيان الطرابلسية في الالفينيات جمهور النادي المظلوم الضحية غنّى اقوى سلطة في البلاد طرابلسي اسمو عماد… بن علي يدعم بشهادة مسؤول فاعل آنذاك ! بلحسن الطرابلسي ما خلّى ما عمل بش يوطّنو في البوديوم شي النافع ربي
بعد الثورة جاهم سليم الرياحي تداخل واضح للسياسة في الرياضة .. عملية تحويل نادي الى خزّان انتخابي في لحظات ! النتيجة نقطة بثلاثين مليار و حزب سياسي يصعد على ظهر الأحباء لساحة باردو
رئيس الحكومة يوسف الشاهد يتوسط لدى المؤسسات الحكومية و الموازية لها و يوفر قروض للنادي … مجلس النواب كتل برلمانية تتحد لانقاذ هذا النادي اللي عمرها ما تلطخت يدو بوسخ السياسة .. تي حتى طرف !!!!
رئيس جامعة يتولى امور تسيير هذا النادي المناهض للسلطة و الفريق المناضل و الضحية و يقوم بخلاص الديون و يتوسط لدى حزب سياسي بش يجيب عقد استشهار ذو صبغة سياسية انتهى بمجرد انتهى حقبة حكم الحزب ! رئيس النادي اليونسي اعترف بذلك بعظمة لسانه… حامد المغربي على مرأى و مسمع من الجميع قال ذات يوم: الافريقي منعناه من الاضمحلال!
هذا النادي المناضل الضحية المظلوم اللي شرى اغلى عطار في تاريخ العظريات بمليار يخرج من ازمة بفضل مؤسسات تابعة للدولة و سلط اشراف كان عليها البقاء على نفس المسافة من كل الاندية و التزام الحياد في تجسيد واضح للانحياز لفريق معيّن لطالما تعمد لعب دور الضحية
الى ان جاء الفرجاني و صور جامع الزيتونة و وزير الرياضة لي حللو البيبان بش يمنع النادي من شبح الاضمحلال اللي يواجه فيه من سنوات جراء فساد مسؤوليه و غياء جمهورو و اعتمادو لنظرية المؤامرة! استماتو في الدفاع عن ممثلة افلام اباحية و عن مضطرب نفسي كانتلو تجربة مميزة مع معزة امريكية … ما تبدل شي كان جنسية المعزة المرة هاذي من شمال افريقيا و اسمها ال club
اموال مشبوهة يمنع بيها هذا النادي العالة على العباد و البلاد ! و يعاود يمنع بفلوس مسخة …ناسين الللي العار اطول من الأعمار …
الحصيلة من هذا الكل 30 سنة من الفشل الرياضي و التسييري و الإداري و الغباء الجماهيري .. بلحسن هارب عماد في الحبس يوسف الشاهد مڤطع الغنوشي في الحبس وديع في الحبس الفرجاني هرب اليونسي في الحبس اخر بطولة 2015 اخر كاس 2018 اخر مشاركة افريقية في التشامبيونز كلا فيها ثمنية و روح 2018 لي قبلها 97 … كل مشاركة خارجية يخرجو من الدور قبل لول منهم بطولة عربية تبدى في سبتمبر روحو فيها من جويلية في دورة ترشيحية مع النجمة اللبنانية و منيش نحكي على هيفاء! بعد الثورة خسرو مع ليتوال 20 مرة ! في المائوية لي دامت ثلاثة سنين منعو من الطياح بالصادق السالمي و اربعة بينالتيات مع الستاد بركة بين ذهاب و اياب
تنجم تعمل مشاة ميكانيكية و صفحات مشبوهة و des faux profils تنجم تكذب على ولادك صباح و ليل و تعمل بلاتوات تزرع فيهم ولادك و تشوّه الحقيقة و تهبط بلاغ رسمي و تتشكى من الاستشهار و تدمغج جمهورك و تجيّش الجمعيات و تعملهم الكل حاجة وحدة ما تنجمش تخبيها اللي الترجي الرياضي التونسي هي شمس البلاد هاذي لي نورت ظلمتها و عرفت بيها العالم … في تونس نغور عليك و البرا ؟؟؟ الفيفا تشرب حليب ؟ كابوسان خفيفة؟ و الcaf ? مناش تخاف؟
ملخص كل هذا فضايحكم واقع عشناه ما حكالنا عليهم حد و نجاحاتنا واقع عشتوه و مش بش ينساه منكم حد
